रविसहित तीन जनाविरुद्ध आत्महत्या दुरुत्साहन मुद्दा दर्ता

काठमाडौं, ८ भदौ । पत्रकार शालिकराम पुडासैनी आत्महत्या प्रकरणमा टिभी प्रस्तोता रवि लामिछानेसहित तीन जनाविरुद्ध आत्महत्या दुरुत्साहनमा मुद्दा दर्ता भएको छ । आइतबार चितवन जिल्ला अदालतमा उनीहरुविरुद्ध आत्महत्या दुरुत्साहनमा मुद्दा दर्ता भएको हो ।

लामिछानेसहित तीन जनाविरुद्ध मुलुकी अपराध संहिताको दफा १८५ अन्तर्गत मुद्दा चलाउन सिफारिस भएको हो । नेपाल प्रहरीको केन्द्रीय अनुसन्धान ब्यूरोले लामिछाने, पत्रकार युवराज कँडेल र रुकु भनिने अस्मिता कार्कीले पुडासैनीलाई आत्महत्या गर्न दुरुत्साहन गरेको निष्कर्ष निकालेको हो।