सागमा ५१ स्वर्ण जित्ने नेपाली खेलाडी (सूचीसहित)

जानकारी केन्द्र

२०७६, मंसिर, २४

सागमा ५१ स्वर्ण जित्ने नेपाली खेलाडी (सूचीसहित)

काठमाडौं, २४ मंसिर । १३ औं दक्षिण एशियाली खेलकुद (साग) मा नेपालले ५१ स्वर्ण जितेको छ । यो साग १७ वर्षीया गौरिका सिंहका लागि फलदायी बन्यो । पौडीमा उनले एक्लै चार स्वर्ण जितिन् । उनले तीन रजत र दुई काँस्य समेत जितिन् । उनी एक्लैले नौ पदक जितेर इतिहास रचिन् ।

दुई छोराकी आमा आयशा शाक्यले तेक्वान्दोमा दुई स्वर्ण जितिन् । कराँतको कातामा मण्डेकाजी श्रेष्ठले पनि दुई स्वर्ण जिते ।
यसपटक सबैभन्दा बढी पदक तेक्वान्दोले दिलायो । तेक्वान्दोमा नेपालले १२ स्वर्ण जित्यो । दोस्रोमा कराँतले नौ स्वर्ण दिलायो । चौंथोमा उसुले ६ स्वर्ण दिलायो ।

पौडीले चार, साइक्लिङले चार, एथलेटिक्स र बक्सिङले तीन तीन स्वर्ण जितायो । बक्सिङमा २० वर्षपछि नेपालले स्वर्ण जित्यो । एथलेटिकसको म्याराथनमा नेपालले दुई दशकपछि स्वर्ण जित्यो । एथलेटिक्सको मध्यम दूरीमा नेपालले ऐतिहासिक स्वर्ण जित्यो ।

यसपटक कुस्तीमा पनि नेपालले स्वर्ण जित्यो । पहिलोपटक स्वर्ण जितेकोमा कुस्ती, पौडी, ट्रायथलन, साइक्लिङ रहेका छन् । यसपटक नेपाली खेलाडीहरु विभिन्न स्पर्धामा राष्ट्रिय किर्तिमान समेत बनाएका छन् । एथलेटिक्स र पौडीमा राष्ट्रिय किर्तिमान बनेको छ ।

तेक्वान्दो- १२
गोविन्द आले (पुम्से ५८ केजी)
कमल श्रेष्ठ (पुरुष एकल)
आयशा शाक्य (२९ वर्षमाथिको पुम्से)
आयशा शाक्य र सञ्जीवकुमार ओझा (२९ वर्षमाथिको मिक्स पुप्से)
पार्वती गुरुङले (२३ देखि २९ वर्ष पुम्से)
सीना मादेन लिम्बु (१७ देखि २३ वर्ष पुम्से)
नीता गुरुङ, प्रशंसा क्षेत्री र सुशीला राई (२३ वर्षमाथिको स्पर्धा)
वीरबहादुर महरा (पुरुष ६८ केजी मुनी)
काजल श्रेष्ठ (४६ केजी महिला)
संगिता बस्याल (६२ केजी महिला)
सक्षम कार्की (८७ केजी पुरुष)
भुपेन श्रेष्ठले (पुरुष ८७ केजी)

कराँते- ९
मन्डेकाजी श्रेष्ठ (पुरुष काता)
लक्ष्मण तामाङ (५४ केजी)
निर्मला तामाङ, संगिता मगर र सरु काकी (महिला टिम काता)
मन्डेकाजी श्रेष्ठ, महशुश तामाङ र प्रवीण महर्जन (पुरुष टिम काता)
विप्लव लाल श्रेष्ठले स्वर्ण (८४ केजी तौल माथि)
कुसुम खड्का (४५ केजी कुमुते)
अनु अधिकारी (५० केजी कुमुते)
नविन रसाइली (६७ केजी पुरुष कुमिते)
सुनिता महर्जन (६७ केजी महिला कुमिते)
उसु- ६
विजय सिञ्जाली (थाउलो)
सुस्मिता तामाङ (थाउलो)
दिपक हमाल (थाउलो नानगुन)
विजय सिंजाली र सुष्मिता तामाङ (थाउलो)
जुनी राई (महिला ५६ केजी )
निमा घर्ती मगर (नन्डाओ अल राउन्ड)