नेभेडामा हारे ट्रम्प राष्ट्रपति चुनावमा पराजित हुने

एजेन्सी, २१ कात्तिक । फक्स न्युजका अनुसार जोय बाइडेनले २६४ इलेक्ट्रोरल मत पाइसकेका छन् । अब उनले ६ इलेक्ट्रोरल मत पाएमा चुनाव जित्नेछन् ।
पछिल्लो अवस्थामा वाइडेन नेभेडामा मात्र अगाडि छन् । त्यहाँ उनलाई आवश्यक पर्ने ६ इलेक्ट्रोरल मतभार छ । वाइडेल ट्रम्पभन्दा मात्र १२ हजार मतले अगाडि छन् ।

जर्जिया राज्यमा १६ इलेक्ट्रोरल मत छ । त्यहाँ तिव्र प्रतिष्पर्धा छ । मतगणना अन्तिम अवस्थामा रहँदा ट्रम्प वाइडेनभन्दा मात्र २ हजार मतले अगाडि छन् ।

१५ इलेक्ट्रोरल मतभार रहेको नर्थ क्यारोलिनामा ट्रम्प वाइडेनभन्दा ७७ हजार मतले अगाडि छन् । त्यहाँ ट्रम्पको जितको सम्भावना छ ।

२० इलेक्ट्रोरल मतभार रहेको पेनसिल्भानियामा ट्रम्प झीनो मतले अगाडि छन् । त्यहाँ ट्रम्प वाइडेनभन्दा मात्र २३ हजार मतले अगाडि छन् । यसरी नेभेडामा वाइडेनको बढी आशा छ । त्यहाँ जितेमा उनी राष्ट्रपति निर्वाचित हुनेछन् ।