सुगम पोखरेल र सोना अमात्यको ‘मेरो माया करोडमा’ (भिडिओ)

गायिका सोना अमात्य र गायक सुगम पोखरेलको स्वरमा ‘मेरो माया करोडमा’ गीत सार्वजनिक भएको छ। सोमबार युट्युब मार्फत सार्वजनिक गीतमा दीपक शर्माको शब्द तथा संगीत छ।
रोमान्टिक शैलीको यो प्रेम गीतको भिडिओ गम्भीर बिस्टले निर्देशन गरेका हुन्। भिडिओमा गायिकासँगै सागर लम्साल क्षेत्री ‘बले’ र गोविन्द सिंह विष्टले अभिनय गरेका छन्। बुद्ध थापाको छायांकन, सुभम भुजेलले नृत्य निर्देशन रहेको यस गीतको भिडिओ नवीन निरौलाले सम्पादन गरेका हुन्।

गायिका सोना अमात्यले अभिनेता तथा गायक मदनकृष्ण श्रेष्ठसँग ‘पल पल’ गीतबाट संगीत यात्रा आरम्भ गरेकी हुन्। ‘म त खुल्ला छु’, ‘डाली चरी’, ‘किन आत्तिनु केलाई मात्तिनु’, ‘तिम्रो र मेरो सम्बन्ध’ लगायत गीत सार्वजनिक गरेकी उनी आफ्ना गीतहरुमा मोडलिङ पनि गर्छिन्। ‘डिजिटल मार्केटिङ’ विषयमा स्नातकोत्तर सोना विज्ञापन एजेन्सी चलाउँछिन्।