तोलामा तीन सयले बढ्यो सुनको मूल्य

नेपाली बजारमा नयाँ वर्ष २०७८ को सुरुवातसँगै सुनको मूल्यमा सामान्य वृद्धि भएको छ । गत वर्षको अन्तिम कारोबारका दिन मंगलबार अधिकतम ८९ हजार ५ सय रुपैयाँमा कारोबार भएको छापावाल सुनको मूल्य नयाँ वर्षको दोस्रो दिन अर्थात् बिहीबार तोलामा ३सय  रुपैयाँले वृद्धि हुँदै प्रतितोला ८९ हजार ८ सय  रुपैयाँमा कारोबार भएको हो ।

नेपाल सुनचाँदी व्यवसायी महासंघका अनुसार बिहीबार छापावाला सुनको मूल्य प्रति तोला ८९ हजार ८ सय  रुपैयाँ र तेजाबी सुनको मूल्य ८९ हजार ३ सय ५० रुपैयाँ कायम भएको छ ।

यता चाँदीको मूल्य भने प्रति तोला एक हजार २ सय ९० रुपैयाँ तोकिएको छ । महासंघका अनुसार गत मंगलबारको तुलनामा चाँदी प्रति तोला ३० रुपैयाँले वृद्धि भएको हो ।