एकै दिन दुई लाख भन्दा धेरै मानिसमा कोरोना संक्रमण

भारतमा कोरोना भाइरसबाट एकैदिन संक्रमित हुनेको संख्या दुई लाख ७३ हजार भन्दा बढि पुगेको छ। भारतको स्वास्थ्य मन्त्रालयका अनुसार पछिल्लो २४ घण्टामा दुई लाख ७३ हजार ८ सय १० जनामा कोरोना भाइरसको संक्रमण पुष्टि भएको छ। सो अवधिमा कोभिड-१९ का कारण १६ सय १९ जनाको ज्यान गएको मन्त्रालयलाई उद्धृत गर्दै भारतीय सञ्चारमाध्यमले जनाएका छन्। भारतमा कुल संक्रमितको संख्या एक करोड ५० लाख ६१ हजार ९ सय भन्दा बढि पुगेको छ ।

अहिलेसम्म कोभिड-१९ बाट एक लाख ७८ हजार ७ सय ६९ जनाको ज्यान गएको छ। सक्रिय संक्रमितको संख्या १९ लाख २९ हजार ३सय २९ जना रहेको भारतीय स्वास्थ्य मन्त्रालयले जनाएको छ।