नेपालमा थप २,२२० जनामा कोरोना पुष्टि, १० जनाले गुमाए ज्यान

काठमाडौं । नेपालमा एकै दिन दुई हजार बढी कोरोना संक्रमित भेटिएका छन् । गत २४ घण्टामा ९ हजार ६ सय ४७ परीक्षण गर्दा २ हजार ३ सय ५१ जनामा कोरोना पुष्टि भएको स्वास्थ्य तथा जनसंख्या मन्त्रालयले जनाएको छ ।

पिसिआर परीक्षणमा २ हजार २ सय २० र एन्टिजेनमा १३१ गरी २ हजार ३ सय ५१ जनामा कोरोना पुष्टि भएको हो । जसमध्ये १० हजार ५ सय ८२ जना आइसोलेसनमा छन् । हाल ८६ जना क्वारेन्टाइनमा छन् ।

गत २४ घण्टामा २ सय ८७ जना उपचारपछि डिस्चार्ज भएका छन् । कुल संक्रमितमध्ये १ हजार ५१ जना मात्र काठमाडौं उपत्यकामा भेटिएका छन् । काठमाडौंमा ७८६, ललितपुरमा १८१ र भक्तपुरमा ८४ जना संक्रमित भेटिएको मन्त्रालयले जनाएको छ ।