देशभर मनसुनी वायुको प्रभाव, यी स्थानमा अति भारी वर्षाको सम्भावना

काठमाडौं । मनसुनी वायुका कारण मुलुकभर वर्षा भएकाे छ । बिहीबार दिउँसो देशभर बदली रहनेछ । मुलुकका धेरैजसाे स्थानमा वर्षा हुने माैसम पूर्वानुमान महाशाखाले आँकलन गरेकाे छ । प्रदेश १, २, बागमती, गण्डकी र लुम्बिनीका केही स्थानमा भारी तथा बागमती, गण्डकी र लुम्बिनी प्रदेशका एक वा दुई स्थान धेरै भारी वर्षाको पनि सम्भावना छ ।

महाशाखाका अनुसार राति पनि देशका धेरै स्थानमा वर्षाको सम्भावना छ । ‘लुम्बिनी, सुदूरपश्चिम र बागमतीका थोरै स्थानमा भारी वर्षाको सम्भावना छ । सुदूरपश्चिमका एक वा दुई स्थानमा धेरै भारी वर्षाको सम्भावना छ,’ महाशाखाले भनेकाे छ ।

शुक्रबार प्रदेश १, बागमती, गण्डकी र सुदूरपश्चिमका थोरै स्थानमा भारी र सुदूरपश्चिमका एक वा दुई स्थानमा धेरै भारी वर्षाको आँकलन गरिएकाे छ । महाशाखाका अनुसार शनिबार पनि बदली रही धेरै स्थानमा वर्षाको सम्भावना रहेको छ । प्रदेश १, बागमती, गण्डकी र लुम्बिनी प्रदेशका एक-दुई स्थान भारी वर्षाको सम्भावना छ ।