‘मेरी बास्सै’की चम्सुरीको दुवै मिर्गौला फेल, अस्पताल भर्ना

काठमाडौं । चर्चित हास्य टेलिश्रृखंला ‘मेरी बास्सै’की कलाकार पल्पसा डंगोल ‘चम्सुरी’ अस्पताल भर्ना भएकी छिन् । उनी मृगौलामा समस्या देखिएपछि महाराजगञ्जस्थित टिचिङ अस्पतालमा भर्ना भएकी हुन् ।

‘मेरी बास्सै’बाट चम्सुरी नामले चिनिएकी डंगोल केही समय अघि मृगौलामा समस्या देखिएपछि उपचार गरेर घर फर्किएकी थिइन् । उनको अब मृगौला प्रत्यारोपण गर्नुपर्ने भएको छ । दुवै मिर्गौला फेल भएर अस्पताल भर्ना भएको थाहाँ भएपछि सबै कलाकारले उनको स्वास्थ्य लाभको कामना गरेका छन् ।

अस्पतालको बेडमा रहेकी चम्सुरीलाई भेट गर्न शनिबार कलाकार दीपाश्री निरौला पुगेकी थिइन् । भेटपछि कलाकार निरौलाले सामाजिक सञ्जालमार्फत तस्बिर शेयर गर्दै उनको स्वास्थ्य अवस्था बारे जानकारी गराएकी छिन् ।