साताको दास्रो दिन घट्यो सुनको मूल्य, कतिमा भईरहेको छ कारोबार ?

नेपाली बजारमा सुनको मूल्य आज घटेको छ । हिजो सुनको मूल्य प्रतितोला ९३ हजार ४ सयमा कारोबार भएकोमा आज तोलामा तीन सयले घटेको हो । नेपाल सुनचाँदी व्यवसायी महासंघका अनुसार आज छापावाल सुनको मूल्य प्रतितोला ९३ हजार एक सय रुपैयाँ कायम गरिएको छ ।

साथैँ, तेजावी सुनको मूल्य प्रतितोला ९२ हजार ६ सय रुपैयाँ कायम गरिएको छ । त्यस्तै, आज चाँदीको मूल्यमा पनि सामान्य गिरावट आएको छ । हिजो चाँदीको मूल्य प्रतितोला १२७० मा कारोबार भएकोमा आज घटेर प्रतितोला १२६५ रुपैयाँ मूल्य कायम गरिएको महासंघले जनाएको छ ।