प्रतिनिधिसभा बैठक दिउँसो १ बजे बस्ने

काठमाडौं । आज शुक्रबार दिउँसो १ बजे बस्ने संघीय संसद् भवन नयाँबानेश्वरमा प्रतिनिधिसभाको बैठक बोलाइएको छ ।

उक्त बैठकमा गृहमन्त्री बालकृष्ण खाणले तीन विधेयक प्रस्तुत गर्ने जनाइएको छ । उनले ‘सामाजिक सुरक्षा (पहिलो संशोधन) विधेयक, २०७९’ लाई प्रस्तुत गर्न अनुमति माग्ने प्रस्ताव प्रस्तुत गर्नेछन् । त्यसपछि, विधेयक प्रस्तुत गर्नेछन् ।

यसैगरी, तेजाब तथा अन्य घातक रासायनिक पदार्थ (नियमन) विधेयक, २०७९ लाई प्रस्तुत गर्न अनुमति माग्ने प्रस्ताव प्रस्तुत गर्ने र सो विधेयक प्रस्तुत गर्ने सम्भावित कार्यसूची रहेको छ । साथै, नेपाल प्रहरी र प्रदेश प्रहरी कार्य सञ्चालन, सुपरिवेक्षण र समन्वय (पहिलो संशोधन) विधेयक, २०७९ प्रस्तुत गर्ने तयारी रहेको छ छ ।

अर्थ समितिका सभापति कृष्णप्रसाद दाहालले बैठकमा सार्वजनिक ऋण व्यवस्थापन विधेयक सम्बन्धी समितिको प्रतिवेदन र बिमा विधेयकसम्बन्धी समितिको प्रतिवेदन, पेस गर्ने सम्भावित कार्यसूची छ ।

संसदले गत बिहीबार मात्र आर्थिक वर्ष २०७९/०८० का लागि विनियोजन विधेयक पारित गरेको थियो ।