BS-VI मोडलको TVS Apache RTR 160 4V RTFI नेपालमा सार्वजनिक

काठमाडौं । जगदम्बा मोटर्सले असार ९ गते पर्पल हेज रक बारमा आयोजित औपचारिक समारोहमार्फत BS-VI मोडलको नयाँ TVS Apache RTR 160 4V RTFI सार्वजनिक गरेको छ । विभिन्न सञ्चारकर्मी, सेलिब्रेटी, नेपाली मोटो भ्लगर र जगदम्बा मोटर्सका प्रतिनिधिहरुको माझमा गरिएको सो कार्यक्रममा लोकप्रिय नेपाली ब्याण्ड कोबवेबको प्रत्यक्ष सांतीतिक प्रस्तुति पनि राखिएको थियो ।

TVS Apache RTR 160 4V RTFI नेपालमा लामो समयदेखि प्रतिक्षा गरिएको मोटरसाइकल हो जसमा तीन राइड मोडहरु (रेन, अर्बन र स्पोर्ट) जस्ता यस वर्गकै पहिलो र उत्कृष्ट फिचरहरु छन् । जसले सवारहरुलाई कुनै पनि सवारी परिस्थितिमा अनुकूल बनाउन सजिलो बनाउँछन् । यस मोटरसाइकलले स्पोर्ट मोडमा 17.55 PS @ 9250rpm र अर्बन र रेन मोडमा 15.64 Ps @8600rpm पावर उत्पादन गर्दछ । त्यस्तै, यसले स्पोर्ट्स मोडमा 14.73 Nm @ 7250rpm र अर्बन र रेन मोडमा 14.14Nm @7250rpm टर्क उत्पादन गर्दछ । राइड मोडहरुले पावर र सेटिङलाई कुनै पनि सवारी अवस्थाहरुमा अनुकूल बनाएर राइडरलाई सहायता गर्दछन् ।

मोटरसाइकलमा रेस ट्युन्ड फ्युल इन्जेक्सन (RTFI) प्रविधिको BS-VI अनुरुप इन्जिन रहेको छ । जसले राम्रो इन्धनको अर्थतन्त्र, विस्तारित पावर डेलिभरी, इन्जिनको स्थायित्व सुधार र उत्सर्जन नियन्त्रणमा मद्दत गर्छ । यो प्रविधिले मोटरसाइकललाई टिकाउ र वातावरणमैत्री बनाउँछ । यसमा SmartXConnect जस्ता प्रविधिहरु पनि छन् । जसले सवारीको बारेमा धेरै जनकारीहरु देखाउँछ र ब्लुटुथमार्फत राइडरको स्मार्टफोनमा जडान गर्न सकिन्छ । थप रुपमा, मोटरसाइकलमा एग्रेसिभ DRL हेडल्याम्प, एडजस्टेबल ब्रेक र क्लच लिभर, ABS जस्ता अन्य धेरै फिचरहरु छन् ।

टिभिएस मोटर कम्पनी–भारतका प्रतिनिधिहरुले जगदम्बा मोटर्सलाई नेपालमा टिभिएसको सफलताको लागि बधाई दिँदै नेपाली बजारमा आगामी टिभिएस अपाचे आरटीआर १६० ४भी को सफलताको कामना गरे । उनीहरुले यो मोटरसाइकलले १५० सीसीको सेग्मेन्टमा ‘बिग बाइक’ फिचर ल्याउने आफ्नो दृष्टिकोण रहेको र यसले नेपालमा मात्र नभई विश्वभरका उत्कृष्ट फिचर्सका साथ यो सेगमेन्टमा क्रान्ति ल्याउने बताए ।

कार्यक्रममा जगदम्बा मोटर्सका अध्यक्ष शहिल अग्रवालले नेपाली बजारलाई टिभिएसप्रतिको माया र स्नेहका लागि धन्यवाद दिनुभयो र नयाँ टिभिएस अपाचे आरटीआर १६० ४भी RTFI को बारेमा कुरा गर्नुभयो । उनले भने, ‘हामी नेपालमा यति धेरै फिचरसहितको मोटरसाइकल सार्वनजनिक गर्न पाउँदा निकै उत्साहित छौँ । नेपाली बजारले लामो समयदृखि यो मोटरसाइकलको प्रतिक्षा गरिरहेको छ । हामी लामो समयदेखि यो मोटरसाइकलका लागि जिज्ञासा पाइरहेका छौँ । कुनै पनि अटोमोबाइल ब्रान्डले यस खण्डमा यति धेरै सुविधाहरु सहितको उत्पादन लिएर आएको यो पहिलो पटक हो । यसले नेपालको इन्ट्री लेभल मोटरसाइकल क्षेत्रमा नयाँ बिहानी हुने निश्चित छ ।’

जगदम्बा मोटर्स प्रा.लि. नेपालमा टिभिएस दुई पाङ्ग्रे सवारी साधनको एक मात्र आधिकारिक वितरक हो । नेपालमा १३७+ डिलर र २००+ सेवा र स्पेयर पार्ट्स स्टेशनहरुको बलियो राष्ट्रव्यापी वितरण सञ्जालको साथ, TVS ले बजारमा आफ्नो बलियो पकड कायम राख्न र ग्राहकहरुको मनमा स्थान बनाउन सक्षम भएको छ । गुण्स्तरीय उत्पादन, बिक्रीपछिको सेवा र देशभर ब्याकअप पार्टपुर्जाको उपलब्धतामार्फत उपभोक्तालाई दिएको उच्चतम सन्तुष्टिको कारणले आज टिभिएस नेपालमा सबैभन्दा रुचाइएको दुईपाङ्ग्रे ब्रान्ड बनेको छ ।