बबरमहलको कार दुर्घटनामा ३ जना घाइते

काठमाडौं । आज बिहान काठमाडौंको बबरमहलमा कार दुर्घटना हुँदा ३ जना घाइते भएका छन् ।

घाइते हुनेमा कार चालक भक्तपुर कमलबिनायकका २५ वर्षीय विकास बुढाथोकी, कारमा सवार सोही ठाउँका २७ वर्षीय जिनी चौरसीया र रामेछाप घर भई हाल कमलबिनायक बस्ने २१ वर्षीय जीवन गिरी रहेका छन् । घाइते भएकाहरुको सिभिल अस्पताल बानेश्वरमा उपचार भइरहेको छ । गिरीको अवस्था भने निकै गम्भीर रहेको छ ।

प्रहरी वृत्त सिंहदरबारले आज बिहान पौने ३ बजे बा २ च ८५३३ नम्बरको कार आफै अनियन्त्रित भई सडकमा पल्टिएको जनाएको छ ।