सिटिजन्स बैंकले विस्तार गर्यो उपत्यकामा थप ३ शाखा

काठमाडौं । सिटिजन्स बैंक इन्टरनेशनलले काठमाडौँ उपत्यकामा थप ३ वटा शाखा कार्यालय विस्तार गरेको छ ।

बैंकले शाखा विस्तार गर्ने क्रममा आफ्नो १७८औं, १७९औं तथा १८०औं शाखा भक्तपुरको सूर्यविनायक, काठमाण्डौंको धुम्बराही र ललितपुरको थसिखेल गरी थप ३ वटा शाखाहरु सञ्चालनमा ल्याएको हो । काठमाण्डौं उपत्यमा बैंकको शाखा सङ्ख्या ३५ र वाग्मती प्रदेशमा ४९ पुगेको छ ।

बैंकका प्रमुख कार्यकारी अधिकृत गणेशराज पोखरेले नयाँ शाखाहरुमा आयोजित आरम्भ समारोहमा सम्पूर्ण कर्मचारीलाई प्रुडेन्ट बैंकिङ्ग र सुशासनमा कुनै सम्झैता नगरी काम गर्न बताए । बैंकले यस शाखामार्फत ग्राहकहरुको वित्तीय आवश्यकता पुरा गर्न आवश्यक सम्पूर्ण रिटेल बैकिंग सेवा प्रदान गरी साना तथा कर्पोरट व्यवसायीहरुमाझ वित्तीय पहुँच पुर्‍याउने लक्ष्य राखेको छ ।

त्यस्तै, बैंकले सुविधाजनक बचत खाता योजना, लकर सेवा, ए.टि.एम.सेवा, घर तथा सवारी कर्जा, मुद्दती निक्षेप योजना, साना व्यवसायी कर्जा, लगायतका वित्तीय सेवाहरु छिटो र छरितो ढंगमा ग्राहकमाझ लयाउने प्रतिबद्धता जनाएको छ । हाल बैंकले देशैभरी १८० शाखा, १३१ ए.टि.एम. र ९६ शाखा रहित बैंकिङ्ग ईकाईबाट सेवाहरु दिइरहेको छ ।