बराह सहकारीपीडितको धरानमा चर्को आन्दोलन, मेयर साम्पाङको कार्यकक्षमा तोडफोड

काठमाडौं । आन्दोलनमा उत्रिएका धरानका बराह सहकारी पीडितहरुले धरान उपमहानगरपालिका मेयर हर्क साम्पाङको कार्यकक्ष समेत तोडफोड गरेका छन् ।

उक्त बराह सहकारीमा बचतकर्ताको करिब ८ अर्ब रुपैयाँ हिनामिना भएको र रेकर्डमा पनि नदेखाइएको भन्दै निक्षेपकर्ता आन्दोलनमा उत्तिएका हुन् । आइतबार प्रदर्शनकारीको जमातले उपमहानगरपालिकामा पुगेर तोडफोड गर्न समेत भ्याएका हुन् ।

धरानका २० वटै वडाका निक्षेपकर्ताहरु आफुहरु सहकारी पीडित भएको भन्दै विगत १ वर्षदेखि आन्दोलनमा छन् । ‘मलाई सोधेर पैसा दिएको हो र’ भन्ने मेयर साम्पाङको जवाफले पीडितहरु झन आक्रोसित भएको जनाइएको छ ।