एभरेष्ट बैंकको १० प्रतिशत ब्याजदरको ऋणपत्र बिक्री हुँदै

काठमाडौं । आज साउन १८ गतेदेखि एभरेष्ट बैंक लिमिटेडले सर्वसाधारणमा ६ वर्षे अवधिको वार्षिक १०.५० प्रतिशत ब्याजदर रहेको “एभरेष्ट बैंक लिमिटेड ऋणपत्र २०८५” नामक ऋणपत्र बिक्री खुला गरेको छ । बिक्री प्रबन्धकमा लक्ष्मी क्यापिटल मार्केट लिमिटेड रहेको छ ।

बैंकले प्रतिकित्ता रू. १ हजार अंकित मूल्यका २० लाख कित्ताले हुने रू. २ अर्ब बराबरको ऋणपत्र विक्री गर्ने भएको छ । बैंकले कुल कित्तामध्ये ६० प्रतिशत अर्थात १२ लाख कित्ता व्यक्तिगत तवरबाट विक्री गर्नेछ भने ४० प्रतिशत अर्थात ८ लाख कित्ता ऋणपत्र भने सामूहिक लगानीकोष सहित सर्वसाधारणमा विक्री गर्नेछ । सामूहिक लगानीकोषका लागि ५ प्रतिशत अर्थात ४० हजार कित्ता ऋणपत्र छुट्याएर बाकी ७ लाख ६० हजार कित्ता ऋणपत्र भने सार्वजनिक निष्कासनमा आएको हो ।

उक्त ऋणपत्र खरीदका लागि छिटोमा साउन २२ गते र ढिलोमा भदौ १ गतेसम्म आवेदन भर्न पाइनेछ । केयर रेटिङग नेपालले बैंकको आइपिओलाई न्यून कर्जा जोखिमको संकेत गर्ने केयर एनपी डबल ए माईनस रेटिङ्ग दिएको छ। यो रेटिङ्ग प्राप्त गर्ने संस्थालाई समयमै वित्तीय दायित्व पुरा गर्ने सम्बन्ध्मा प्रयाप्त मात्रमा सुरक्षित मानिने गरिन्छ ।

यसैगरी, खरिदकर्ताले विक्री प्रबन्धकसँगै नेपाल धितोपत्र बोर्डबाट सि आस्बा सेवाका लागि अनुमति प्राप्त सम्पूर्ण बैंक तथा वित्तीय संस्था र तिका शाखा कार्यालयबाट ऋणपत्र खरीदका लागि आवेदन दिन सक्नेछन् । त्यस्तै, मेरो शेयर वेवसाइट र एपमार्फत खरीद गर्न सकिनेछ ।