चिनियाँ जेट विमान ताइवानको आकाशमा प्रवेश

एजेन्सी ।  चीनले ताइवाननजिकै दोस्रो दिनको सैन्य अभ्यास सुरु गरेको छ । यसै क्रममा चिनियाँ जेट विमान फेरि ताइवानको आकाशमा प्रवेश गरेका छन् ।

ताइवानको रक्षा मन्त्रालयको अनुसार शुक्रबार बिहान धेरै चिनियाँ लडाकु विमान र जहाजहरूले ताइवान स्ट्रेटको मध्य रेखा पार गरे। उनीहरूले जानाजानी ताइवान स्ट्रेट पार गर्न खोजिरहेका छन्। मिसाइल प्रणाली तैनाथ गरेर चीनको गतिविधिलाई निरन्तर निगरानी गरिरहेका ताइवानको रक्षा मन्त्रालयले जनाएको छ। केही विमान र जहाजलाई अनुगमनका लागि पठाएको समेत बताएको छ ।

भारतीय समाचार एजेन्सी दैनिक भाष्करको अनुसार चिनियाँ सेनाले ताइवान वरपरका ६ क्षेत्रमा यी सैन्य अभ्यासहरू गरिरहेको छ। सैन्य अभ्यासको पहिलो दिन १ सयभन्दा बढी चिनियाँ लडाकु विमानहरूले ताइवानको उत्तरी, दक्षिण–पश्चिम र दक्षिण–पूर्वी हवाई क्षेत्रमा उडान भरेका छन्।

वास्तवमा अमेरिकी संसदकी सभामुख न्यान्सी पेलोसीको ताइवान भ्रमणलाई लिएर चीन र ताइवानबीचको विवाद बढेको हो । पेलोसी अगस्ट २ मा ताइवान पुगेकी थिइन् । उनी फर्कने बित्तिकै चीनले अगस्ट ४ मा ताइवाननजिकै सैन्य अभ्यास सुरु गर्यो।