काठमान्डाैं, राैतहट,चितवन र उदयपुरमा सवारी साधन दुर्घटना – जानकारी केन्द्र

काठमाडौं : चन्द्रागिरी नगरपालिका–१८ सतुङ्गलमा नम्बर नखुलेको सवारी साधनले मंगलबार ठक्कर दिंदा गम्भीर घाइते भएका हाल नाम, थर, वतन खुल्न नसकेका करीव ३२ वर्षीय साइकलयात्री पुरुषको बीर अस्पतालमा उपचारको क्रममा मृत्यु भएको छ । मृतकको साथबाट ओखलढुङ्गा ठेगाना भएको विदुरकुमार वुढाथोकी नामको सवारी चालक अनुमतिपत्र फेला परेको छ । ठक्कर दिने सवारी साधनको खोजी भइरहेको छ ।
रौतहट : गरुडा नगरपालिका–१३ जयनगरस्थित वीरेन्द्र राजमार्गमा बिआर ३० बि ५४९५ नम्बर र बिआर ३० के ६९७६ नम्बरका मोटरसाइकल मंगलबार एकआपसमा ठक्कर खाई दुर्घटना हुँदा गम्भीर घाइते भएका मठिया बस्ने ६० वर्षीय शेष इद्रिसको गरुडा अस्पतालमा उपचारकोक्रममा मृत्यु भएको छ । घाइतेमध्ये २ जनालाई उपचारको लागि गरुडा मेडिकल र २ जनालाई वीरगंज पठाइएको छ ।
चितवन : रत्न नगरपालिका–७ स्थित बेल्सीपुल नजिक ना.५ ख २८५ नम्बरको यात्रुबाहक बस मंगलबार दुर्घटना हुँदा चालकसहित ६ जना घाइते भएकोमा नयाँ मेडिकल कलेज भरतपुरमा उपचारकोक्रममा चालक झापाका ३५ वर्षीय राजु खतिवडाको मृत्यु भएको छ ।
उदयपुर : साउने–१ स्थित सगरमाथा राजमार्गमा बा.२ ख ७६५६ नम्बरको मिनीट्रक मंगलबार दुर्घटना हुँदा ट्रकमा सवार खोटाङ्ग बतासे–२ बस्ने १९ वर्षीया श्रद्धा राईको घटनास्थलमै मृत्यु भएको छ । दुर्घटनामा गम्भीर घाइते भएका चालकसहित ३ जनालाई उपचारको लागि जिल्ला अस्पताल पठाइएको छ ।
दुर्घटनाका सम्बन्धमा स्थानीय प्रहरीले आवश्यक अनुसन्धान गरिरहेको नेपाल प्रहरीले जानकारी दिएको छ ।