विश्वकप फुटबल : मेस्सी कि एमबाप्पे, कसले जित्ला ट्रफी ?

एजेन्सी । के लियोनल मेस्सीले पहिलो पटक विश्वकप जित्न सक्छन् रु सबै फ्यानहरुको नजर यतातिर छ । कतारमा भइरहेको फिफा विश्वकपको चालू सिजन अघि नै उनले सन्यासको कुरा गरेका थिए । यसको मतलब उनीसँग एउटा मात्र मौका बाँकी छ ।

मेस्सीलाई विश्वका महान् फुटबलरमा गनिन्छ तर उनले अहिलेसम्म विश्वकप फुटबलको उपाधि जित्न सकेका छैनन् । फाइनलमा अर्जेन्टिनाले डिसेम्बर १८ मा डिफेन्डिङ च्याम्पियन फ्रान्ससँग खेल्नेछ । रसियामा जारी विश्वकप २०१८ को फाइनलमा फ्रान्सले क्रोएसियालाई पराजित गरेको थियो ।

अब उसको नजर लगातार दोस्रो उपाधि जित्ने हो । युवा फुटबल एमबाप्पे पनि राम्रो लयमा छन् । यस्तो अवस्थामा उपाधि रक्षाको खेलमा मेस्सी र एमबाप्पेबीच रोचक भिडन्त देख्न सकिन्छ । विश्वकपमा दुवै खेलाडीले सर्वाधिक ५–५ गोल गरेका छन् ।

सेमिफाइनलको कुरा गर्ने हो भने अर्जेन्टिनाले क्रोएसियालाई ३–० ले हरायो । र फ्रान्सले मोरक्कोलाई २–० ले हराएर फाइनलमा प्रवेश गर्यो । यसअघि दुवै टोलीले २–२ पटक विश्वकपको उपाधि जितेका छन् ।

अर्जेन्टिना लामो समयदेखि उपाधिको प्रतिक्षामा थियो । उसले अन्तिम पटक सन् १९८६ मा उपाधि जितेको थियो । त्यो ३६ वर्षअघिको कुरा हो । पूर्व दिग्गज खेलाडी डिएगो म्याराडोनाले टोलीलाई उपाधि जितेको थियो ।

यस्तो अवस्थामा मेस्सी पनि उपाधि जित्न चाहन्छन् । यद्यपि चालू प्रतियोगितामा अर्जेन्टिनाको सुरुवात राम्रो भएन । पहिलो खेलमा साउदी अरेबियासँग पराजित भएपनि त्यसपछि टोलीले बलियो पुनरागमन गरेको थियो ।

फ्रान्सको कुरा गर्ने हो भने सन् १९९८ र २०१८ मा विश्वकपको उपाधि जितेको थियो । र २००६ मा टोली उपविजेता बनेको थियो । मोरक्कोले क्वार्टरफाइनलमा पोर्चुगललाई पराजित गरेको थियो भने राउन्ड १६ मा स्पेनलाई । तर, फ्रान्सेली टोलीले उसलाई अन्तिम ४ भन्दा अगाडि बढ्न दिएन ।