प्रधानमन्त्री दाहाल पहिलो सार्वजनिक कार्यक्रममा सरिक, टुँडिखेलमा तमू ल्होसारको प्रमुख अतिथि

काठमाडौं । प्रधानमन्त्री पुष्पकमल दाहाल पहिलो सार्वजनिक कार्यक्रममा सरिक भएका छन् । उनी आज शुक्रबार काठमाडौंको टुँडिखेलमा गुरुङ राष्ट्रिय परिषद् काठमाडौंले आयोजना गरेको तमू ल्होसारमा सहभागी भएका हुन् । तमू ल्होसारमा प्रमुख अतिथिको रुपमा प्रधानमन्त्री सहभागी हुँदै आएको छ ।

प्रधानमन्त्री दाहाल पनि आज प्रमुख अतिथिको रुपमा टुँडिखेल पुगेका हुन् । गुरुङ समुदायले पुरानो वर्षलाई बिदाई गर्दै नयाँ वर्षलाई स्वागत गरेर ‘तमू ल्होसार’ मनाइरहेका छन् । ‘ल्हो’ को अर्थ वर्ष र ‘सार’ को अर्थ फेरिनुभएकाले वर्ष फेरिने दिनलाई ‘तमू ल्होसार’ भनिएको हो । ल्होसारको अवसरमा आज टुँडिखेलमा विभिन्न झाँकी निकालिएको थियो । उनीहरु आफ्नो भेषभुषामा सजिएका थिए ।