अभिनेत्री स्वरा भास्करले गरिन् गुपचुप विवाह, को हुन् उनका दुलाहा ?

एजेन्सी । आफ्नो राजनीतिक विचारका कारण चर्चामा रहने बलिउड अभिनेत्री स्वरा भास्करले अचानक विवाह गरेकी छिन् । उनले समाजवादी पार्टीका नेता तथा मुम्बई टाटा इन्स्टिच्युट अफ सोशल साइन्सका पूर्व महासचिव फहाद अहमदलाई आफ्नो पार्टनरका रूपमा रोजेकी हुन् ।

उनको विवाहको खबरले फ्यानलाई सीधै ठूलो सरप्राइज दिएको छ । अभिनेत्रीले फहाद अहमदसँग कोर्ट म्यारिज गरेकी हुन् । स्वरा भास्करले सामाजिक सञ्जालमा एउटा तस्बिर सेयर गरेकी छिन्, जसमा उनको हातमा मेहन्दी देखिएको छ ।

स्वराले लामो समयदेखि आफ्नो पर्सनल लाइफलाई सबैबाट लुकाएर राखेकी थिइन् । तर, केही समयअघि तस्बिर सेयर गर्दै उनले प्रेम पाएको संकेत गरेपनि प्रेमीको अनुहार भने देखाएकी थिइनन् ।

तर आज अचानक उनले आफ्ना फ्यानहरुसँग एउटा तस्विर शेयर गरेकी छिन् जसमा उनी श्रीमानसँग हात मिलाएर हिँडिरहेको देखिन्छ । स्वराले ट्वीटरमा सेयर गरेको यो भिडियोमा दुबैको कोर्ट मैरिज भएको देखिएको छ । दस्तावेजका अनुसार दुवैले ६ जनवरी २०२३ मा मुम्बईमा विवाह गरेका थिए ।

तस्विरमा जहाँ फहादले सेतो कुर्ता पजामाको साथ रातो ज्याकेट लगाएका छन् भने स्वराले रातो साडी लगाएकी छिन् । स्वराले यो साडीमा आफ्नो लुकलाई निकै सिम्पल राखेकी छिन् । यससँगै तस्विरमा दुवैको घाँटीमा माला देख्न सकिन्छ ।