दुई वटा मोटरसाइकल एकआपसमा ठोक्किँयो : एकको मृत्यु, एक जना घाइते

काठमाडौं । वीरगञ्जमा दुई वटा मोटरसाइकल एक आपसमा ठोक्किँदा एक जनाको मृत्यु भएको छ भने एक जना घाइते भएका छन् । वीरगञ्ज महानगरपालिका १४ गण्डक चोकस्थित वीरगञ्ज पथलैया सडकखण्डमा दुर्घटना भएको हो ।

परवानीपुरबाट वीरगञ्जतर्फ आउदै गरेको प्र। २(०३(००४ प ७९३० र वीरगञ्जबाट परवानीपुरतर्फ जाँदै गरेको ना। २५ प ४००३ नम्बरको मोटरसाइकल एकआपसमा ठोक्किँएको थियो ।

दुर्घटनामा परी बारा परवानीपुर गाउँपालिका ४ चैनपुर बस्ने वर्ष २४ को सुरज सर्राफको मृत्यु भएको छ । बुधबार भएको दुर्घटनामा परी सराफ र वीरगञ्ज १६ बस्ने वर्ष २६ को बिपिन कुमार कुशवाहा घाइते भएका थिए ।

सराफको उपचारको क्रममा बिहिबार बिहान दुई बजेको समयमा एलएस न्युरो अस्पताल परवानिपुरमा मृत्यु भएको हो । घाइते कुशवाहाको उपचार भइरहेको छ ।