प्रधानमन्त्री प्रचण्डले चैत ६ गते विश्वासको मत लिने तयारी

काठमाडौँ । प्रधानमन्त्री पुष्पकमल दाहाल ‘प्रचण्ड’ले चैत ६ गते विश्वासको मत लिने तयारी गरेका छन् । उनले गठबन्धन दलको शीर्ष तहमा छलफल गरेर चैत ६ गते विश्वासको मत लिन लागेका हुन् । प्रधानमन्त्री प्रचण्डले विश्वासको मत लिएपछि मन्त्रिपरिषद् पुनर्गठन गर्ने तयारी गरेका छन् ।

५ गते बस्ने प्रतिनिधि सभा बैठकमा प्रधानमन्त्रीले विश्वासको मत लिनेबारे जानकारी गराइने भएको छ । सत्तासाझेदार नेकपा एमाले र राप्रपाले सरकारलाई दिएको समर्थन फिर्ता गरेपछि प्रचण्डले साढे २ महिनाको बीचमा दोस्रो पटक संसदमा विश्वासको मतको लागि प्रयास गर्न लागेका हुन् ।