धनुषामा २ ट्रक एकआपसमा ठोक्किँयो, ३ जनाले गुमाए ज्यान

धनुषा । धनुषामा २ ट्रक एकआपसमा ठोक्किँदा ३ जनाको मृत्यु भएको छ । दुर्घटनामा अर्का एक जना घाइते भएका छन् । शनिबार बिहान पूर्वपश्चिम राजमार्ग अन्तर्गत धनुषाको मिथिला नगरपालिका–३ हरिहरपुरमा दुर्घटना भएको हो ।

पूर्वबाट पश्चिमतर्फ आउँदै गरेको ना ६ ख ६५७८ नम्बरको ट्रक र विपरित दिशाबाट जाँदै गरेको प्रदेश १. ०१–००१ ख. ९२९२ नम्बरको ट्रक एकआपसमा ठोक्किएर दुर्घटना भएको प्रहरीले जनाएको छ ।

दुर्घटनामा परेर ना। ६ ख ६५७८ नम्बरको ट्रकमा सवार २ जना र प्रदेश १। ०१-००१ ख। ९२९२ नम्बरको ट्रकमा सवार एक जना गरी ३ जनाको मृत्यु भएको प्रहरीले जनाएको छ ।

प्रहरीका अनुसार प्रदेश १। ०१-००१ ख. ९२९२ नम्बरको ट्रकमा सवार अर्का एक जनालाई घाइते अवस्थामा उद्धार गरिएको हो । उनीहरुको पहिचान खुल्न सकेको छैन । घाइतेको ढल्केवर हस्पिटलमा उपचार भइरहेको छ ।