मोर्चाका कार्यकर्ताले एक यूवकलाई पेट्रोल छरेर आगो लगाए

मधेसमा आन्दोलनरत संयूक्त लोकतान्त्रिक मधेसी मोर्चाका कार्यकर्ताहरुले रुपन्देहीमा एक यूवकलाई ज्यूदै शरिरमा पेट्रोल छर्केर आगो लगाएका छन ।
मोर्चा कार्यकर्ताहरुले नवरपरासीका ३० वर्षीय यूवक घिराउ यादवलाई रुपन्देहीको फर्साटिंकर भन्ने ठाँउमा पेट्रोल छर्केर आगो लगाएका हुन । उनी आगोले पोलेर गंभिर घाईते भएको प्रहरीले जनाएको छ ।
यादव पेट्रोल तस्करीमा संलग्न भएको आरोपमा मोर्चाका कार्यकर्ताहरुले आगो लगाएका हुन ।घाइते भएका यादवको पृथ्वीचन्द अस्पतालमा उपचार भइरहेको छ । जिल्लाको सनई-९ पडरीमा आफ्नो फुपुको घरबाट मोटरसाइकलमा फर्कने बेला पेट्रोल लगेको भन्दै मोर्चाका कार्यकर्ताले यादवको शरिरमा पेट्रोल छर्कि आगो लगाएको बताईएको छ । यादव राति फुपुको घरमा बसेको र बिहान घर फर्किरहेका थिए । उनी चढेको लु ३ प २०१७ नम्बरको मोटरसाइकल समेत जलेर नष्ट भएको प्रहरीले जनाएको छ ।