तोसिमा कार्कीले विज्ञापन गरेर मागिन् स्वकीय सचिव

काठमाडौँ । राष्ट्रिय स्वतन्त्र पार्टीकी सांसद तोसिमा कार्कीले सार्वजनिक रूपमा विज्ञापन गरेर स्वकीय सचिव मागेकी छन्। बिहीबार विज्ञापनमार्फत स्वकीय सचिवको आवेदन दिन सूचित गरेकी हुन् ।

प्रतिनिधिसभा सांसदले आफन्त र नातागोतालाई आफूखुसी स्वकीय सचिवमा नियुक्त गरिरहेका बेला सांसद कार्कीले यसरी विज्ञापन नै गरेर योग्य स्वकीय सचिवको खोजी गरेकी हुन् ।

उनले कानुन वा राजनीतिक शास्त्रमा स्नातक गरेकाले स्वकीय सचिवमा आवेदन दिन सक्ने जानकारी दिएकी छन् । समसामयिक विषयमा जानकार भएको, सूचना प्रविधिमा ज्ञान भएको, नेपाली अङ्ग्रेजी भाषामा दख्खल भएकोलाई विशेष ग्राहयता दिने उनको भनाइ छ ।

उसअघि रास्वपाकै सांसद निशा डाँगीले पनि यसैगरी विज्ञापन मार्फत स्वकीय सचिव नियुक्ति गरेकी थिइन् ।