लगातार पाँचौ पटक प्रधानमन्त्री बन्दै शेख हसिना, १९ बर्ष प्रधानमन्त्री बनेर रेकर्ड राख्दै

काठमाडौं । बंगलादेशको संसदीय निर्वाचनमा प्रधानमन्त्री शेख हसिनाको दल विजयी भएको छ । निर्वाचनमा प्रधानमन्त्री शेख हसिनाको दल अवामी लिगले बहुमत पारेसँगै शेख हसिना लगातार पाँचौ कार्यकालका लागि प्रधानमन्त्री बन्ने भएकी छन् ।

उनले पछिल्लो १५ वर्षदेखि बंगलादेशको प्रधानमन्त्री रहदै आएकी छन् । सन् २००९ देखि सत्तामा रहँदै आएकी छन ।
एक जना उम्मेदवारको मृत्यु भएपछि कुल २९९ सिटका लागी भएको निर्वाचनमा हसिनाको अवामी लिग र सहयोगी दलले २५२ सिट जितेको छ । त्यहाँ स्वतन्त्र उम्मेदवारले ५२ सिट र जातीय पार्टीले ११ सिट जितेका छन् । मतपरिणामको अन्तिम नतिजा भने सार्वजनिक बाँकी रहेको छ । निधन भएका उम्मेदवारको क्षेत्रको निर्वाचन रोकिएको छ।

निर्वाचनमा करिव ४० प्रतिशत मत खसेको बताइएको छ । निर्वाचनमा आफ्नो दल विजयी भएसँगै प्रधानमन्त्री शेख हसिनाले संयम रहन सबैलाई आग्रह गरेकी छन्। उनले आफ्नो दलका नेता कार्यकर्तालाई विजय जुलुस ननिकाल्न समेत आह्वान गरेकी छन्। बंगलादेशको विपक्षी दल बीएनपीले भने निर्वाचन जनताप्रति धोका भएको आरोप लगाएको छ ।