श्रीमान भन्छन्- ‘रिसको आवेगमा श्रीमतीमाथि बन्चरो प्रहार पश्चात शव टुक्रा टुक्रा पारे’

धनुषा । शहिदनगर नगरपालिका ७ नेमुवाटोल बस्ने ५० वर्षीया रेखा देवी ठाकुरको हत्या भएको घटनामा संलग्न रहेको अभियोगमा उनकै श्रीमान् ५५ वर्षीय सुदिप ठाकुर र सुदिपकै दाइ ६० वर्षीय उदित ठाकुरलाई आइतबार दिउँसो प्रहरीले पक्राउ गरेको छ ।

गत कात्तिक १० गते सुदिपले रेखालाई रिस आवेगमा बन्चरो प्रहार गरी हत्या गरी आफ्नै घरमा खाल्डो खनी गाडेको खुलेको छ । कात्तिक ३० गते राति उदित समेतलाई बोलाई शव निकालेर टुक्रा पारेको समेत जनाइएको छ ।

शव टुक्रा पारे पश्चात स्थानीय कट्टी नदी किनारको झाडीमा फालेको भन्ने सूचना प्राप्त हुना साथ इलाका प्रहरी कार्यालय यदुकुहाबाट खटिएको प्रहरीले दुवै जनालाई पक्राउ गरेको हो । यस सम्बन्धमा प्रहरीले थप अनुसन्धान गरिरहेको जनाएको छ ।