यात्रु बाहक बस र पिकअप ठोक्किँयो : एकको मृत्यु,आठ घाइते

कपिलवस्तु । कपिलवस्तुको बुद्ध भूमि नगरपालिका ४ झडुलामाईमा यात्रु बाहक बस र पिक अप ठोक्किँदा एक जनाको मृत्यु भएको छ । यस्तै ८ जना घाइते भएका छन् ।

मंगलबार बिहान ५:३० बजे काठमाडौंबाट सुर्खेत जाँदै गरेको क-प्र-०२–००१ ख ०५२५ नम्बरको बस र लु १ च ९२८४ नम्बरको पिकअप एकआपसमा ठोक्किँएका थिए ।

घटनामा परी पिकअप चालक कपिलवस्तु शिवराज नगरपालिका बस्ने हिरालाल बढईको घटना स्थलमा मृत्यु भएको जिल्ला ट्राफिक प्रहरी कार्यालय कपिलवस्तुका प्रहरी निरीक्षक अनीश भण्डारीले बताए ।

ठक्करपछि पिकअपमा च्यापिएका बढईको २ घण्टापछि उद्धार गरिएको थियो । यस्तै घाइते भएका ८ जनालाई उपचारको लागि बुटवल पठाइएको प्रहरीले जनाएको छ ।