सिटौलाको समर्थन देउवालाई

नेपाली काँग्रेसको भावी सभापतिमा शेरबहादुर देउवाले बाजी मार्ने पक्कापक्की भएको छ । सभापति चुनावबाट रिङ आउट भएका कृष्णप्रसाद सिटौला र देउवाबीच आज बिहान भएको गोप्य सहमतिले देउवाले चुनाव जित्ने निश्चित भएको हो ।

गोप्य सहमतीमा सिटौलाको प्यानलमा मतदान गर्ने मतदाताले दोस्रो चरणमा देउवालाई मत दिनेछन् । जसको गुन तिर्न देउवाले सभापति भएपछी सिटौलाको खास मान्छेलाई टिममा सेटिङ मिलाउने छन् ।
हिजो भएको मतदानमा तीन जना उम्मेद्वार मध्य कसैलेपनि काँग्रेसको विधान अनुसार आवश्यक बहुमत ल्याउन नसकेपछी आज दिउसो २ बजेबाट पुनः मतदान हुने भएको छ ।

पहिलो चरणमा प्रतिष्पर्धा गरेका शेरबहादु देउवा,रामचन्द्र पौडेल र कृष्णप्रसाद सिटौला मध्य देउवा जीतको नजिक पुगेका थिए । उनले जम्मा ११ मत मात्रै बढाउन सकेको भए यतिबेला विजयको उल्लासपूर्ण वातावरणमा हुने थिए ।
पहिलो चरणमा देउवाले १५६४,पौडेलले ११५४ सिटौलाले ३२४ मत ल्याएका थिए । कुल खसेको ३१४८ मतमा १०१ मत बदर भएको थियो । जस मध्य ६३ मत देउवाको नै बदर भएको थियो । पार्टीको सभापति बन्न जस्तोसुकै हथकण्डा अपनाउन तयार भएका देउवाले दोस्रो चरणमा सजिलै जित्ने देखिएपछि देउवाको समर्थकहरुमा खुशी साटासाट देखिन थालेको छ ।

साझा पोष्ट बाट