नेपाली सेनामा २८ सय पदका लागि भर्ना खुला, कक्षा ८ पास भए आवेदन दिन सकिने

काठमाडौं । नेपाली सेनामा ठूलो संख्यामा रोजगारी खुला गरिएको छ । सेनाको भर्ना छनोट निर्देशनालय जंगी अड्डाले विभिन्न पदमा दरखास्त आह्वान गरेको छ । जंगी अड्डाका अनुसार, २ हजार ५१० सैन्य पदका लागि आवेदन मागिएको छ।

त्यसैगरी, कुचिकार, लोहार, केशकर्तक, बकासीजस्ता विभिन्न ट्रेडका लागि १२५ जना कर्मचारीको माग छ । प्राड/प्राविधक/हवाइ र विविध सेवाका लागि ११९ अधिकृत पद खुला गरिएको छ, जसमा समाचार सम्पादक, वाचक, लाइब्रेरियन लगायतका पद समावेश छन् ।

सैन्य पदका लागि न्यूनतम कक्षा ८ पास हुनुपर्नेछ । दरखास्त दिने अन्तिम म्याद मंसिर २९ सम्म रहेको छ, भने दोब्बर दस्तुर बुझाएर पुस ६ गतेसम्म आवेदन दिन सकिने नेपाली सेनाले जनाएको छ ।