आज सोनाम ल्होसार मनाइँदै, देशभर सार्वजनिक बिदा

काठमाडौँ । विभिन्न कार्यक्रम गरी आज सोनाम ल्होसार मनाइँदै छ । तामाङ समुदयाले माघ शुक्ल प्रतिपदाका दिन विविध कार्यक्रम गरेर सोनाम ल्होसार मनाउने गर्दछ ।

आजको दिन सरकारले सार्वजनिक बिदासमेत दिएको छ । आजदेखि खरायो वर्ग पूरा भएर गरुढ वर्ष प्रवेश भएको छ । प्रत्येक वर्ष माघ शुक्ल प्रतिपदाका दिन विभिन्न कार्यक्रम गरी सोनाम ल्होसार मनाइन्छ । मुसा, गाई, बाघ, खरायो, ड्रागन , सर्प, घोडा, भेडा, बाँदर, चरा, कुकुर र सुँगुर गरी १२ वर्गमा सोनाम ल्होसारलाई विभाजन गरिएको छ ।