मोटरसाइकलको ठक्करबाट अछाममा एक वृद्धाको मृत्यु

धनगढी । अछाममा मोटरसाइकलको ठक्करबाट एक महिलाको मृत्यु भएको छ। कमलबजार नगरपालिका–१, मुलीकी ७२ वर्षीया मैसरा ढकालको मोटरसाइकलको ठक्करबाट घटनास्थलमै मृत्यु भएको प्रहरीले जनाएको छ।

तुर्माखाँद गाउँपालिका–५ का २३ वर्षीय लक्ष्मण बहादुर शाहीले चलाएको सुदूरपश्चिम प्रदेश ०१००८ प ४०३ नम्बरको मोटरसाइकले मैसरालाइ आज बिहान करिब ११:५० बजेको समयमा ठक्कर दिएको अछाम प्रहरी कार्यालयका प्रमुख डीएसपी ईश्वरीप्रसाद भण्डारीले जानकारी दिए।

महिलाले घाँस काट्न जानका लागि बाटो क्रस गर्ने क्रममा दुर्घटना भएको जनाइएको छ। मोटरसाइकल र चालकलाइ प्रहरीले नियन्त्रणमा लिएको छ।