बिक्कीको ‘छावा’ले हप्तामै कमायो २ सय करोड, सो क्लबमा छिर्ने ४६ औं फिल्म

मुम्बइ । विक्की कौशल अभिनित चलचित्र ‘छावा’ले बक्स अफिसमा तहल्का मच्चाइरहेको छ। 

थियटरमा रिलिज भएको सात दिनमै भारतमा २०० करोडको आँकडा पार गरेको सैकनिल्कले जनाएको छ।

फेब्रुअरी २० मा आएको तथ्यांक अनुसार ऐतिहासिक एक्शन ड्रामा फिल्म छावा २०० करोडको क्लबमा प्रवेश गरेको हो  ।

मुख्य अभिनेता विक्की कौशल र प्रोडक्सन हाउस म्याडडक दुवैको लागि दोस्रो २०० करोड कमाउने फिल्म बन्न पुगेको छ । र, ब्लक बस्टरको रूपमा आफ्नो स्थिति बलियो बनाएको छ। 

थप रूपमा ‘छावा’ यो २०० करोड नघाउने प्रतिष्ठित कोसेढुङ्गा हासिल गर्ने ४३ औं बलिउड चलचित्रको रूपमा आफ्नो नाम दर्ज गराउन सफल भएको छ । 

लक्ष्मण उतेकरद्वारा निर्देशित र दिनेश विजनको म्याडक फिल्म्स द्वारा निर्मित छावाले १४ फेब्रुअरी २०२५ मा पहिलो पटक रिलिज गरिएको थियो । अहिले मराठा योद्धा छत्रपति संभाजी महाराजको शक्तिशाली चित्रणले दर्शकहरूलाई मोहित पारिरहेको छ ।

सो फिल्ममा बिक्की कौशलका साथै रश्मिका मन्डन्ना, अक्षय खन्ना र आशुतोष राणालगायतका उत्कृष्ट कलाकारहरूको अभिनय देख्न सकिन्छ । 

मुम्बई, पुणे र नासिकका थिएटरहरूले ९०५ भन्दा माथिको ओकपेन्सी रिपोर्ट गर्दै, महाराष्ट्रमा फिल्मको प्रभुत्व प्रमुख चालक भएको छ। मिडनाइट शो र अतिरिक्त स्क्रिनिङ अभूतपूर्व माग पूरा गर्न को लागी सामान्य भएको छ।