बलिउड अभिनेत्री ज्याकलिनको आमा भइन गम्भिर बिरामी, राखियो आईसीयूमा

मुम्बई । बलिउड अभिनेत्री ज्याकलिन फर्नान्डिस यतिबेला कठिन अवस्थाबाट गुज्रिरहेका छन् । भर्खरै उनको आमा गम्भीर बिरामी भई आईसीयू (सघन उपचार कक्ष) मा भर्ना भएको खबर आएको छ । यो जानकारीपछि ज्याकलिनले आफ्नो काम छोडेर तुरुन्तै आफ्नो परिवारमा फर्किएकी छिन् ।

ज्याकलिन फर्नान्डिजकी आमा बिरामी भएको खबर सेलिब्रेटी फोटोग्राफर भाइरल भयानीले आफ्नो इन्स्टाग्राम अकाउन्टमार्फत दिएका छन्।

यसैबीच अभिनेत्रीको परिवारका नजिकका स्रोतका अनुसार उनकी आमाको स्वास्थ्य अचानक बिग्रिए पछि उनलाई तत्काल अस्पताल लगिएको थियो। उनको अवस्थाको गम्भीरता देखेर चिकित्सकले आईसीयूमा भर्ना गर्ने निर्णय गरेका थिए । उनलाई मुम्बईको लीलावती अस्पतालको आईसीयूमा भर्ना गरिएको छ ।.

उनको रोगको यकिन विवरण भने खुल्न नसकेको भए पनि रिपोर्टका अनुसार उनको अवस्था चिन्ताजनक रहेको र चिकित्सकहरुले उनको स्वास्थ्यको निरन्तर अनुगमन गरिरहेका छन् । ज्याकलिन सधैं आफ्ना आमाबुवासँग धेरै नजिक रहेकी छिन् र आमा बिरामी भएको खबर पाएलगत्तै उनले आफ्नो सबै सुटिङ र व्यावसायिक काम रोकेर परिवारसँग मिल्न आएकी छिन् ।

थप कुनै जानकारी दिइएको छैन ।