युरो परीक्षण प्रयोगशाला नै छैन नेपालमा, परिक्षण नै नगरी गाडी नेपालमा

विदेशबाट गाडी आयात गर्दा वातावरणमा पुर्‍याउने प्रदूषण मापन युरो परीक्षण गरेर मात्र भित्र्याउने व्यवस्था छ । तर, नेपालको आफ्नै युरो परीक्षण प्रयोगशाला नहुँदा मापदण्डभन्दा न्यूनस्तरका गाडीसमेत नेपाल भित्रने गरेको । आफ्नै प्रयोगशालाको अभावमा भन्सार विभागले विदेशी कम्पनीले सर्टिफाई गरेको प्रमाणका आधारमा मात्र गाडीहरूलाई प्रवेश दिने गरेको छ ।

प्रयोगशाला नहुादा पेट्रोल र डिजेलबाट चल्ने साना–ठूला गाडीले वातावरणमा पुर्‍याउने प्रदूषणको जाँच हुन नसकेको नयाँ पत्रिका दैनिकमा खबर छ  ।

सवारी प्रदूषण मापदण्ड ०६९ जारी गरे पनि सरकारले प्रयोगशाला स्थापना गर्न बजेट विनियोजन नगरेको जनसंख्या तथा वातावरण मन्त्रालयका सिनियर डिभिजनल इन्जिनियर रामचन्द्र पौडेलले बताए ।

प्रयोगशाला निर्माण गर्न दुई अर्बभन्दा धेरै रकम लाग्ने बताइन्छ । युरो मापदण्डको विषयमा सरकार गम्भीर नभएपछि मापदण्डभन्दा न्यून गुणस्तरका गाडीसमेत आयात हुने गरेका छन् ।