नेपाली क्रिकेट टोलीलाई यूएईले दियो भिसा

काठमाडौं । नेपाली क्रिकेट टोलीले युनाइटेड अरब इमिरेट्स (यूएई) सरकारबाट भिसा प्राप्त गरेपछि वेस्ट इन्डिजविरुद्धको बहुप्रतीक्षित टि–२० शृंखलामा सहभागी हुने बाटो खुलेको छ। यसअघि भिसा अस्वीकार भएको खबरले क्रिकेटप्रेमीहरूमा चिन्ता थपेको थियो।

नेपाल क्रिकेट संघ (क्यान)का अनुसार यूएई सरकारले नेपाली टोलीको भिसा आज (आइतबार) जारी गरेको हो। नेपाल क्रिकेट संघको आयोजनामा सन् २०२५ सेप्टेम्बर २७ देखि ३० सम्म यूएईमा सञ्चालन हुने नेपाल र वेस्ट इन्डिजबीचको युनिटी कप टि–२० अन्तर्राष्ट्रिय खेलका लागि नेपाली राष्ट्रिय टोलीको भिसा प्राप्त भइसकेको जनाएको छ ।

पूर्वनिर्धारित तालिकाअनुसार नेपाली टोली असोज ३ गते नै यूएई उड्ने कार्यक्रम थियो। क्यानले बिहीबारै टिमको बिदाइसमेत गरिसकेको थियो। तर, खेलाडीहरूले समयमै भिसा नपाउँदा भ्रमण अन्योलमा परेको थियो।