आर्मस्ट्रङसँगै चन्द्रमा पुगेका अल्ड्रिन आज नेपाल आउँदै

४७ वर्षअघि चन्द्रमामा पाइला टेकेका जीवित अन्तरिक्षयात्री ८७ वर्षीय बज अल्ड्रिन सोमबार काठमाडौं आउादै छन् । उनले मंगलबार सुनसरीको अमाहीबेल्हा सीतागन्जस्थित एभरेस्ट साइन्स सेन्टरको अवलोकन गर्दै छन् । अल्ड्रिन नेतृत्वको ६ सदस्यीय टोली पााच दिन नेपालमा रहनेछ । मंगल ग्रहमा बस्ती बसाउने योजनाका अध्यक्षसमेत रहेका अल्ड्रिनका छोरा डा. एन्ड्रयु अल्ड्रिन, नासाका अध्यक्ष एलिजाबेथ लेवल्याङ र वरिष्ठ वैज्ञानिक जोसेफ लेवल्याङ पनि छन् ।

अल्ड्रिनले बुधबार र बिहीबार काठमाडौंको प्रज्ञा भवनमा हुने अन्तक्र्रियामा आफ्ना अनुभव राख्नेछन् । एभरेस्ट साइन्स सेन्टरका अध्यक्ष दिलीप अधिकारीका अनुसार २४ भदौ साँझ अल्ड्रिनको टोली अमेरिका फर्कनेछ । अन्तरिक्षयात्रीहरूको अनुभव सुनाउन करिब पााच हजार जनालाई साइन्स सेन्टरमा प्रबन्ध मिलाइएको अध्यक्ष अधिकारीले बताए ।

को हुन् अल्ड्रिन ?

सन् १९६९ मा अपोलो ११ अन्तरिक्ष यानमार्फत अमेरिकी नागरिक निल आर्मस्ट्रङको नेतृत्वमा नासाको टोली चन्द्रमा पुगेको थियो ।

टोलीमा बज अल्ड्रिन र माइकल कोलिन पनि थिए । तीन यात्रीमध्ये निल आर्मस्ट्रङको निधन भइसकेको छ भने अल्ड्रिन र माइकल जीवित छन् । अपोलो ११ अन्तरिक्ष अभियानमा चन्द्रमामा पाइला राख्नेमा आर्मस्ट्रङ र बज अल्ड्रिन थिए । माइकल कोलिन यानका चालक थिए । चन्द्रमाको धरातलमा उत्रादा प्रयोग गरिएको टेक यन्त्रका चालक अल्ड्रिन थिए ।