गुगलले सार्वजनिक गर्यो नयाँ फिचरः अब डाटा नमेटी जिमेल ठेगाना परिवर्तन गर्न मिल्ने

काठमाडौँ । गुगलले जिमेल प्रयोगकर्ताका लागि नयाँ फिचर सार्वजनिक गरेको छ । यस सुविधामार्फत अब प्रयोगकर्ताले आफ्नो पुरानो इमेल ठेगाना परिवर्तन गर्न सक्नेछन् । यसअघि जिमेल युजरनेम बदल्न चाहनेले नयाँ एकाउन्ट खोल्नुपर्ने अवस्था थियो ।

नयाँ व्यवस्थाअनुसार प्रयोगकर्ताले पुराना इमेल,डाटा र एकाउन्ट हिस्ट्री सुरक्षित राखेरै नयाँ जिमेल एड्रेस प्रयोग गर्न सक्नेछन् । यसले पहिले अनौपचारिक वा पुरानो नाम प्रयोग गरेर बनाइएका इमेल ठेगानाबाट असहज महसुस गर्नेहरुलाई सजिलो बनाउने अपेक्षा गरिएको छ ।

कम्पनीले यो सुविधा हाल अमेरिकामा मात्र उपलब्ध गराएको छ । अन्य देशहरुमा भने यो अपडेट क्रमशः विस्तार हुने बताइएको छ । त्यस्तै गरी प्रयोगकर्ताले वर्षमा एकपटक मात्र आफ्नो जिमेल एड्रेस परिवर्तन गर्न पाउने नियम पनि राखिएको छ ।

गुगलका अनुसार नयाँ इमेल एड्रेस बनाएपछि पनि पुरानो ठेगाना पूर्ण रुपमा बन्द हुदैन । पुरानो ठेगानामा आउने इमेलहरु स्वतःनयाा एड्रेसमा प्राप्त हुने व्यवस्था गरिएइको छ । जसले प्रयोगकर्तालाई झन्झट बिना परिवर्तन गर्न सहयोग पुग्नेछ ।