आजदेखि देशव्यापी दोस्रो आर्थिक गणना सुरु

काठमाडौँ । राष्ट्रिय तथ्यांक कार्यालयले आजदेखि देशव्यापी दोस्रो आर्थिक गणना सुरु गरेको छ । गणक तथा सुपरिवेक्षकहरु सम्बन्धित क्षेत्रमा पुगेर तथ्यांक संकलन कार्य सुरु गरिसकिएको छ ।

यो अभियान असारको पहिलो सातासम्म सम्पन्न गर्ने लक्ष्य राखिएको छ र करिब पाँच हजार जनशक्ति परिचालन गरिएको छ । अर्थ मन्त्रालयले यसलाई मुलुकको आर्थिक अवस्था बुझ्न महत्वपुर्ण अभियानका रुपमा लिएको छ । यस गणनामा उद्योग ,व्यापार ,सेवा,सहकारी,निजी तथा सरकारी संस्थासम्बन्धी लगानी ,रोजगारी,उत्पादन लगायत १८ विषयमा संकलन गरिनेछ ।

यसअघि २०७५ सालमा गरिएको गणनामा ९ लाखभन्दा बढी प्रतिष्ठान रहेको तथ्य सार्वजनिक भएको थियो भने नयाँ गणनाले अद्यावधिक आर्थिक अवस्था प्रस्तुत गर्ने अपेक्षा गरिएको छ ।