आकर्षक डिजाइन र उत्कृष्ट पर्फमेन्ससहित शाओमीले सार्वजनकि गर्यो नयाँ ९.७ इन्चको ‘रेडमी प्याड २’

काठमाडौं । ग्लोबल टेक्नोलोजी लिडर शाओमीले नेपाली बजारका लागि आकर्षक डिजाइन र उत्कृष्ट पर्फमेन्ससहित नयाँ ९.७ इन्चको ‘रेडमी प्याड २’ सार्वजनिक गरेको छ। नयाँ ‘रेड्मी प्याड २’ ९.७ इन्चले शक्तिशाली अक्टा-कोर प्रोसेसर सहित सिमलेस इन्टरकनेक्टिभिटी र प्रिमियम ट्याबलेट अनुभव प्रदान गर्ने बताइएको छ ।

ग्राफाइट ग्रे र सिल्भर रङ्गमा उपलब्ध ‘रेड्मी प्याड २’ ९.७ इन्चको पहिलो आकर्षण यसको ‘युनिबडी मेटल कन्स्ट्रक्सन’ हो जसले स्टाइलमा कुनै सम्झौता नगरीकन Redmi उत्कृष्ट ड्युरेबिलिटी (मजबुती र टिकाउपन) प्रदान गर्नुका साथै १२० हर्जको रिफ्रेस रेट, अक्टा-कोर प्रोसेसर, र ९.७ इन्चको २ के क्रिस्टल-क्लियर डिस्प्लेले अल्ट्रा-स्मुथ भिजुअल, डिटेल्स, र फास्ट-रेस्पोन्सिभनेस प्रदान गर्ने कम्पनीले जनाएको छ ।

कम्पनीका अनुसार, यसबाट रेड्मी प्याड २ ९.७ इन्चमा एक साँच्चिकै इमर्सिभ डिस्प्ले अनुभव सम्भव हुनुका साथै ७,६०० एमएएचको ठूलो ब्याट्रीसहित १८ वाटको फास्ट-चार्जिङ सुविधा भएको ‘रेड्मी प्याड २ ९.७ इन्चमा लामो प्लेब्याक सेसनसहित लामो समयसम्म प्रयोग गर्नको लागि टिक्ने ब्याट्रि-लाइफ पाइन्छ । ८ एमपि रियर क्यामरा तथा ५ एमपि फ्रन्ट क्यामरासहित यसले हरेक सटमा फोटोको गुणस्तर कायम राख्दै सार्प, डिटेल्ड इमेजहरू निकाल्ने बताइएको छ ।

त्यसैगरी, म्युजिक तथा भिडियो हेर्न-सुन्नका लागि हाइ-रिजोलुसन अडियो दिने इमर्सिभ स्टेरियो स्पिकर्स र ३.५ एमएमको हेडफोन ज्याक रहेका छन् जसले यसको मल्टिमिडिया प्याकेजलाई पूर्णता दिने जनाइएको छ ।

शाओमी हाइपरओएस ३ मा चल्ने यस ‘रेड्मी प्याड २ ९.७ इन्चले शाओमी इकोसिस्टममा सिमलेस कनेक्टिभिटीसहित सहज र इन्टेलिजेन्ट अनुभव प्रदान गर्दछ भने जम्मा ४०६ ग्राम तौल रहेको यो प्याड ‘लाइट टु मिड-वेट’ श्रेणीको डिभाइस अन्तर्गत पर्दछ जसकारण यो बोक्न पनि सजिलो र हरेक दिन प्रयोग गर्न पनि सहज हुने कम्पनीको दाबी छ ।

‘रेड्मी प्याड २’ ९.७ इन्चमा भरपर्दो सेक्युरिटी र प्राइभेसीको लागि एआई फेस अनलकजस्ता एआई-पावर्ड विशेषताहरू पनि उपलब्ध रहेका छन् । यी आधुनिक र आकर्षक विशेषताहरूले भरिपूर्ण ‘रेड्मी प्याड २’ ९.७ इन्च को ४+१२८ जिबि भेरियन्ट जम्मा रू. २५ हजार ९ सय ९९ को मूल्यमा हाल उपलब्ध रहेको कम्पनीले जनाएको छ ।