साइप्रस पठाउने भनी रकम ठगी गर्ने पक्राउ

 साइप्रस रोजगारीमा पठाउने भनी ठगी गर्ने अमर सुमीत्रा कन्सल्टेन्सी गंगवुका संचालक म्याग्दी भकिल्मी–२ का ४० वर्षीय अमर बहादुर बि.क.लाई बुधबार बनस्थलीबाट महानगरीय अपराध महाशाखाको प्रहरी टोलीले पक्राउ गरेको छ ।

नेपाल प्रहरीले जानकारी केन्द्र लाइ बताए अनुशार बि.क.ले ओखलढुङ्गाका उत्तम कुमार श्रेष्ठ, धादिङका कृष्ण ढकाल, रुकुमका चन्द्रे भुपाल पुन, बल बहादुर वली र उपेन्द्र के.सी.लाई कन्सल्टेन्सीबाट साइप्रसमा पठाउने ४ लाख ४५ हजार रुपैयाँ लिई विदेश नपठाई सम्पर्क विहीन भएका थिए ।

बि.क.पक्राउ गरे पश्चात राजेशराज मैनाली, पिताम्बर श्रेष्ठ, खयन्द्र श्रेष्ठ, संजय श्रेष्ठ, सन्दीप थापा, नवराज श्रेष्ठ र मोहन बहादुर श्रेष्ठसँग समेत साइप्रस पठाउने भनी ७ लाख रुपैयाँ लिएको बुझिएको छ ।