महिला हिंसा विरुद्ध १६ दिने अभियान सुरु

रविन्द्र यादव, नवलपरासी,

 नवलपरासीमा लैगिंक हिंसा विरुद्धको १६ दिने अभियान आज देखि सुरु भएको छ । हरेक वर्ष महिला तथा बालबालिक कार्यालय नवलपरासीको नेतृत्व एवं विभिन्न सरोकारवाला निकायहरुको समन्वयमा यस १६ दिने अभियान संचालन हुदै आएको छ । ‘‘घर शान्ति नै विश्व शान्तीको आधार, दिगो विकासका लागि हिंसा रहित समाज” मुल नाराका साथ आज विहान प्रभात फेरि कार्यक्रम गरि १६ दिने अभियानको सुभारम्भ गरिएको महिला तथा बालकालिका कार्यालय कि कार्यालय प्रमुख उर्वरा लुईटेलले बताउनु भयो । समाजमा घरेलु, शारिरीक, मानसिक, आर्थिक र भेदभाव यातनाले हुदै आएका महिला हिंसा न्युनिकरणका लागि आजदेखि यो १६ दिने अभियान थालिएको प्रमुख लुईटेलले बताउनु भयो । संयुक्त राष्ट संघको १९९९को महासभाले नोभेम्बर २५ लाई महिला हिंसाविरुद्धको दिवसका रुपमा मनाउने निर्णय गरेपछि जिल्लामा पनि हरेक वर्षको नोभेम्बर २५ देखि १० डिसेम्बर सम्म यस १६ दिने लैगिंक हिंसा विरुद्ध अभियान मनाईने गरिएको छ ।