बाबुराम भट्टराईमाथि पोखरामा जुत्ता प्रहार

पोखरा, २३ मंसिर ।

नयाँ शक्ति पार्टीका संयोजक डा. बाबुराम भट्टराईमाथि जुत्ता प्रहार भएको छ ।

भट्टराईमाथि जुत्ता प्रहार गर्ने विद्यार्थीलाई प्रहरीले अहिले नियन्त्रणमा लिएको छ । पक्राउ पर्नेमा पृथ्वीनारायण क्याम्पसका राजनीतिशास्त्र विषयमा स्नातकोत्तर दोस्रो वर्षका छात्र सञ्जिव भट्टराई छन् ।

क्याम्पस हातामा गरेको नयाँ शक्ति विद्यार्थी युनियनले नयाँ विद्यार्थीका लागि बिहीवार आयोजना गरेको स्वागत कार्यक्रममा बाबुराम प्रमुख अतिथि थिए । उनलाई ताकेर भट्टराईले जुत्ता प्रहार गरे पनि लाग्न पाएन ।