विद्युत प्राधिकरणमा नयाँ जागिर खुल्यो

नेपाल विद्युत् प्राधिकरणले विभिन्न पदमा पाँच सय एक जना कर्मचारीका लागि नयाँ दरबन्दी खुल्ला गरेको छ ।
सहायक र अधिकृत स्तरका विभिन्न पदमा ५ सय १ जना कर्मचारीका लागि प्राधिकरणले नयाँ दरबन्दी खोलेको हो । सहायक स्तरका पदमा ३ सय ९५ र अधिकृतस्तरमा १ सय ६ जना कर्मचारी माग गरिएको छ ।
अधिकृतस्तरमा वातावरणविद्, जियोलोस्टि, सर्भे अधिकृत, इन्जिनियर, तथ्यांकशास्त्री, अर्थशास्त्री, कानुन अधिकृत, प्रबन्धक, सहायक प्रबन्धक, उपप्रबन्धक, सहायक निर्देशक, उप–निर्देशक, सह–निर्देशक पदमा कर्मचारी माग गरिएको छ ।
सहायकस्तरमा भने मिटररिडर सुपरभाइजर १९ जना, लेखापालमा १९ जना, इलेक्ट्रिक सुपरभाइजर ४० जना, मेकानिकल सुपरभाइजर ७ जना, सिभिल सुपरभाइजर ३ जना, हेभी इक्विप्मेन्ट अपरेटर १ जना, सिनियर मिटररिडर ७२ जना, सहायक लेखापाल २४ जना माग गरिएको छ । त्यस्तै फोरम्यान इलेक्ट्रिसियन ७८ जना, सिभिल इलेक्ट्रिसियन ४ जना, फोरम्यान ड्राइभर ८ जना, मिटर रिडर ३५ जना, इलेक्ट्रिसियन ८० जना तथा ड्राइभर ५ जना माग गरिएको छ ।