घोटालाको आरोप लागेका आयल निगमका कार्यकारी निर्देशक खड्का पदच्यूत

काठमाडौं, २ असोज । सरकारले करिब डेढ अर्ब रुपैयाँ अनियमितताको आरोप लागेका नेपाल आयल निगमका कार्यकारी निर्देशक गोपाल खड्कालाई बर्खास्त गर्ने निर्णय गरेको छ ।

आपुर्तिमन्त्री शिवकुमार मण्डलले प्रस्ताव सोमबारको मन्त्रिपरिषद् बैठकमा पेस गरेका थिए छ । संसदीय समिति र मन्त्रालयको अध्ययनबाट इन्धन भण्डारणका लागि भैरहवा, चितवन, झापा र सर्लाहीमा करिब चार गुणा बढी मूल्य तिरेर अनियमितता गरेको विभिन्न अनुसन्धान प्रतिवेदनले पुष्टि गरेपछि सरकार खड्कालाई कारबाही गर्ने अन्तिम निष्कर्षमा पुगेको थियो ।

सोमबार बसेको मन्त्रिपरिषदको बैठकले खड्कालाई पदबाट च्यूत गर्ने निर्णय गरेको सरकार प्रवक्ता एवम् सूचना तथा सञ्चारमन्त्री मोहन बस्नेतले जानकारी दिए ।