सन्दिपको अर्को सफलता, विश्व ११ टोलीमा समावेश

काठमाडौं ।

नेपाली युवा स्पिनर सन्दीप लामिछाने विश्व ११ टोलीमा समावेश भएका छन् । इङ्ल्याण्डको लर्डस मैदानमा विश्व ११ र वेस्ट इन्डिज बीच हुने च्यारिटी म्याचमा सन्दिप परेका हुन् ।

इर्मा र मारिया नाम दिईएको आंधिबेरीले गतवर्ष वेस्ट इन्डिजमा भत्केको क्रिकेट संरचनाको पुनर्निर्माण गर्ने उद्देश्य सहित मे ३१ अर्थात जेष्ठ १७ मा उक्त खेल हुँदैछ । विश्व क्रिकेटका चर्चित अनुहारले भरिएको विश्व ११ ले वेस्ट इन्डिज टोलीको सामना गर्नेछ ।

विश्व ११ मा पाकिस्तानका विष्फोटक ब्याट्सम्यान शाहिद अफ्रिदीसँगै शोहेब मलिक र श्रीलंकाका थिसारा परेरा पनि खेल्नेछन् । टोलीको कप्तानी इङ्लिस ब्याट्सम्यान इओन मोर्गानले सम्हाले छन् ।

त्यस्तै, वेस्ट इन्डिज भने कार्लोस ब्राथवेटको कप्तानीमा रहनेछ । डोपिङका कारण १ वर्षयता मैदान बाहिर रहेका एन्ड्रे रसल यस खेलबाट पुनरागमन गर्नेछन् ।