आजदेखि बैदेशिक रोजगारीमा जानेलाई अनिवार्य नयाँ नियम लागू

भदौ १६, काठमाडौँ | बैदेशिक रोजगारीमा जानेहरुको लागि आजदेखि अनिवार्य बैंक खाता खोलेको हुनुपर्ने नियम लागू भएको छ । बैदेशिक रोजगार बिभागले केहि दिन अघि मात्र सुचना जारी गर्दै भदौ १६ गतेदेखि बैंक खाताको विवरण पेश गरेपछि मात्र श्रम स्वीकृति जारी गर्ने जानकारी गराएको थियो ।

बिभागको निर्देशन अनुरुपनै आजदेखि देशभर सातै प्रदेशका श्रम कार्यालय श्रम नवीकरण तथा नयाँ श्रम स्वीकृति लिन जानेहरुले बैंक खाताको विवरण पेश गर्नु परेको छ । बैंक खाताको विवरण अनिवार्य भएपछि बिभिन्न बैंकहरुमा विदेश जाने युवाहरुले बैंक खाता खोल्न थालेका छन् ।

यसैबीच बैदेशिक रोजगार बिभागका महा निर्देशक डा. भिष्म कुमार भुषालले श्रम स्वीकृतिको लागि फाराम भर्दा नेपाल राष्ट्र बैंकबाट मान्यताप्राप्त जुनसुकै वाणिज्य बैङ्कहरु वा विकास बैंकहरुमा खोलिएको सम्बन्धित कामदारको खाताको विवरण समेत अनिवार्य रुपले भर्नुपर्ने जानकारी दिए । डा. भुषालले आफ्नो खाता नहुनेले सबैभन्दा नजिकको हकवाला/परिवारको सदस्यको खाताको विवरण समेत गरे हुने जानकारी दिएका छन् । उनले बैङ्क खाताबाट कारोबार गर्नु आफ्नो र आफ्ना परिवारको हित र सुरक्षाको लागि भएको भन्दै बैंक खाताको अनिवार्य गरिएको बताए ।

तत्कालको लागि आफ्नो हकवालाको बैंक खाताको विवरण भएपनि हुने भनिएकोमा पछि क्रमश बैदेशिक रोजगारीमा जानेकै बैंक खाता अनिवार्य हुने बिभागके जनाएको छ । बिभागले विदेशबाट युवाहरुले आफ्नो तलब रेमिट्यान्स मार्फत आफ्नो बैंक खातामै नेपाल आओस भनेर नयाँ नियम ल्याइएको जनाएको छ ।