सुत्नुअघि यस्तो खाने बानीले निद्रामा बाधा हुन्छ

काठमाडौं: सुत्नुअघि खाइने खानेकुराले निद्रामा फरक पार्छ । निदाउन कठिन भइरहेको छ वा गहिरो निद्रा परिरहेको छैन भने तपाईँको खानपानमा ध्यान दिनुपर्ने हुनसक्छ । यहाँ निद्रामा बाधा पुयाउने केही खानेकुराका बारे जानौँ ।

अधिक कफिन
एक अध्ययनका अनुसार सुत्नुभन्दा ६ घण्टा पहिले उपभोग गरिएको कफिन पनि निद्रामा असर गर्छ । दिमागमा निद्राको जानकारी गराउने एडिनोसाइन नामक केमिकललाई कफिनले प्रभाव पार्छ । यस्तो कफी, चिया, पेय पदार्थ, चकलेट तथा इनर्जी ड्रिंक्सलगायतमा पाइन्छ ।

हेभी खाना
चाँडै पचाउन गाह्रो हुने हेभी खानाले पनि निद्रामा नकारात्मक असर गर्छ । बोसोयुक्त खानेकुरा खानाले सुत्नमा अप्ठ्यारो हुने हुन्छ । त्यसैले यस्तो खानेकुरा सुत्नुभन्दा दुई घण्टाअघि खानु राम्रो हुन्छ ।

अधिक चिनी
आवश्यकता भन्दा बढी चिनी खानाले पनि निद्रामा प्रभाव पर्छ । अध्ययनका अनुसार बढी गुलियो राखिएको खानाले निद्रामा गडबडी गर्छ ।

मसलेदार खाना
बढी मसलेदार खानेकुराले पनि निद्रा राम्रोसँग लाग्दैन । यसले मुटु सम्बन्धी रोगमा टेवा पु¥याउँछ । धेरै पिरो भएमा पेट तथा मुटु पोल्ने हुन्छ । यसले निद्रामा गडबडी हुन्छ ।

मदिरा
एक गिलाससम्म वाइन पिउनाले निद्रा लागे पनि यसले बीचमा निद्रा खलबलाउन सक्छ । आधा रातमा पिसाब लाग्ने, बान्ता हुन सक्ने, टाउको दुख्ने आदि समस्या हुन सक्छ ।

धेरै पेय पदार्थ सेवन
सुत्नुपूर्व धेरै पेय पदार्थ सेवन गर्दा निद्रामा गडबडी हुन सक्छ । सौच गर्न पटकपटक उठ्नुपर्ने अवस्था सिर्जना हुने भएकाले सुत्नुअघि धेरै पेय पदार्थ सेवन गर्नु पनि निद्राका लागि खराब हुन सक्छ ।