ठगि गरेको भन्दै मेनपावरमा नै अागो लगाइ दिए पछि

मोरङ पथरीया–१ घर भई भक्तपुर बस्ने २३ बर्षीय सोमनाथ नेपालले सोमबार काठमाडौं महानगरपालिका–९ सिनामंगल स्थित मन्टेश म्यानपावरले आफुलाई विदेश उडाई दिन्छु भनी नउडाएपछि पेट्रोल छर्केर आगो लगाएका थिए । आगोले जलेर वैतडी घर भई कोटेश्वर बस्ने २४ वर्षीय केशव पन्त सहित ४ जना घाइते भएका थिए । उनीहरुलाई उपचारको लागि नोवेल अस्पताल सिनामंगलमा लगिएको छ ।

आगलागीबाट म्यानपावरको कार्यालयमा रहेका करीव ३ लाख रुपैया वरावरको सामानहरु जलेर क्षति भएको छ । प्रहरीले स्थानिय बासिन्दाको सहयोगमा आगोलागी नियन्त्रणमा लिएको थियो । सोमनाथ नेपाललाई प्रहरीले पक्राउ गरेर यस सम्बन्धमा प्रहरीले आवश्यक अनुसन्धान गरिरहेको जनाएको छ ।